“Isha 27 vjeç, ishte një ditë krejt normale. Kisha dalë për kafe me shoqërinë dhe kur po kthehesha në shtëpi, më ndodhi diçka që nuk e kuptova. Në fillim m’u duk sikur më humbi pesha e trupit. Ndjeva shtrëngim në gjoks, djersiva dhe pata një ndjesi sikur po vdisja”.
Ky ishte rrëfimi i Fisnik Qysës për “Dita Jonë” nga Bora Shahini dhe Rei Bezhani, në A2CNN.
“Unë u sprovova me vdekjen e dy prindërve të mi shumë afër me vite nga njëri-tjetri. M’u shemb bota sepse ndodhi gjithçka papritur. Kur rrija në shtëpi me vëllezërit e mi, na dukej sikur na kishin vjedhur. Ishte sprovë e madhe. Dy vite pasi humba prindërit më kapi ankthi. Që kur më ndodhi ataku i parë i panikut, ndryshoi gjithçka për mua. Nuk rrija dot as ulur, as në këmbë. Një ndjenjë që vështirë ta përshkruaj me fjalë...”, tregon i riu nga Kosova.
“Edhe pse kisha ankth në mënyrë të vazhdueshme, nuk e ndala punën. Më vonë e kuptova që unë nuk po e pranoja realitetin dhe ajo ishte që ma zgjati 4 vite luftën me ankthin. U tërhoqa nga shoqëria sepse isha në luftë me veten. Edhe pse konsultohesha me profesionistë, ndryshova edhe punën time. Kjo edhe për të sfiduar veten. Kur pashë që u lodha, u dorëzova dhe kërkova ndihmë të plotë. Bashkëpunova me profesionistë, shpreha gjithçka që ndjeva dhe për një kohë të shkurtër ia dola të fitoja luftën”, deklaroi Fisnik Qysa. (A2 Televizion)
A2 CNN Livestream
MUND TE LEXONI GJITHASHTU
