“Çështjet e pronave nuk kanë afat në ligj dhe prandaj lihen për në fund. Janë çështje që marrin 15 vite”.
Kështu u shpreh Gerti Shella në studion e “Puls” nga Bruna Çifligu, në A2CNN. Sipas tij, Këshilli i Lartë Gjyqësor ka shtuar problemet e sistemit.
“A nuk mendon KLGJ-ja që ka diçka që nuk shkon me vendimin e saj për pezullimin e skemës së delegimit të gjyqtarëve? Sepse Apeli ka nevojë për gjyqtarë. Numri i çështjeve nga viti 2023 që ishte 32, sot në vitin 2025 ka shkuar 50 mijë dosje. Pra, strategjia të ka rënë, masat që kishe parashikuar kanë dështuar, gjyqtari t’u vra... A ka diçka për të shpallur gjendjen e emergjencës? As kurajo për ta shpallur ditë zie kombëtare nuk patën sot”, tha Shella.
“Këto 50 000 dosje kanë 30 gjyqtarë. Që i bie një gjyqtari të merret me mbi 1600 dosje. Kjo bën që dosjet të qëndrojnë aty deri në 10 vjet. Është edhe çështje infrastrukture përveçse burimesh njerëzore, pasi ka vetëm 7 salla gjykimi. Gjysma e gjyqtarëve rrinë nëpër zyra, në pamundësi për t’u futur të gjykojnë. Këto probleme janë zmadhuar nga veprimet e KLGJ-së”, shtoi Shella.
“Çështjet e pronave nuk kanë afat në ligj dhe prandaj lihen për në fund. Janë çështje që marrin 15 vite. Kalvari vazhdon edhe kur fiton gjyqin”, theksoi më tej Shella. (A2 Televizion)
A2 CNN Livestream
MUND TE LEXONI GJITHASHTU
