Këtë të shtunë, në ambientet prestigjioze të Pallatit të Brigadave, kompania Miell Tirana feston 30-vjetorin e themelimit — një udhëtim suksesi që ka nisur në vitin 1995 dhe që sot përfaqëson një nga historitë më të arrira të industrisë ushqimore shqiptare.
Gjatë këtyre tre dekadave, Miell Tirana është bërë sinonim i cilësisë, besueshmërisë dhe inovacionit, duke furnizuar mijëra familje dhe biznese me produkte mielli të standardeve më të larta. Kompania ka investuar vazhdimisht në teknologjinë moderne evropiane Buhler, në përmirësimin e proceseve të prodhimit dhe në garantimin e sigurisë maksimale ushqimore.
Në fokusin e saj mbetet përkushtimi për të ofruar produkte që mbajnë në vete traditën e shijes shqiptare, por edhe standardet më të avancuara ndërkombëtare. Laboratori i akredituar i kompanisë kryen analiza të detajuara reologjike dhe kimike në çdo fazë të prodhimit, duke garantuar që çdo thërrime miell të jetë sinonim i cilësisë.
Përveç teknologjisë së përparuar, Miell Tirana është e certifikuar me standardet ndërkombëtare ISO 9001:2015 dhe ISO 22000:2018, si dhe zbaton sistemin HACCP, që siguron kontrollin e plotë të zinxhirit të prodhimit nga gruri deri te produkti final. Këto certifikime janë dëshmi e përkushtimit të kompanisë për cilësi, siguri dhe transparencë.
Në ceremoninë e 30-vjetorit do të marrin pjesë bashkëpunëtorë, klientë, partnerë tregtarë dhe figura të njohura të botës së biznesit, për të reflektuar mbi rrugëtimin e kompanisë dhe për të ndarë vizionin e saj për të ardhmen.
Sot, Miell Tirana është më shumë se një markë tradicionale — është një histori suksesi shqiptare që vazhdon të ndërtohet me përkushtim, integritet dhe dashuri për punën.
Duke festuar këtë moment të rëndësishëm, kompania riafirmon misionin e saj për të qenë gjithmonë një partner i qëndrueshëm në tryezën shqiptare – aty ku cilësia dhe tradita takohen. (A2 Televizion)
A2 CNN Livestream
MUND TE LEXONI GJITHASHTU
