Nuk ndalet rrëzimi i masiveve të dheut në aksin Qukës-Qafë Plloçë. A2 CNN raporton se një tjetër rrëshqitje dheu ka ndodhur disa minuta më parë në lotin e dytë të këtij aksi rrugor.
Një masiv i madh dheu dhe gurësh ka bllokuar tërësisht lëvizjen e mjeteve.
Aktualisht në zonë po punohet për pastrim, por burimet për A2 CNN thonë se sonte është e pamundur që rruga të hapet për automjetet pasi është bllokuar në të dyja senset.
Policia në këto momente ka bllokuar edhe rrugën në Pllocën e re, duke i drejtuar në segmentin e vjetër për shkak se rreziku është evident edhe në vende të tjera të aksit për rrëshqitje.
Deri në momentin e zgjidhjes së problematikës, rruga do të jetë e bllokuar. Me këtë devijim, pamundësohet edhe lëvizja për drejtuesit e mjeteve që nuk kanë patur informacion.
Rruga e re Qukës - Qafë Pllocë është tanimë e bllokuar dhe po përdoret aksi i vjetër rrugor. (A2 Televizion)
A2 CNN Livestream
MUND TE LEXONI GJITHASHTU
