Reshjet u kthyen me intesitet në territorin e juglindjes duke sjellë problematika orët e mbrëmjes, ndërkohë që përrenjtë janë fryrë në nivele maksimale dhe rrezikojnë daljen nga shtrati.
Si pasojë e shtimit të reshjeve u krijua një situatë problematike në Qarkun e Korçës, ku nuk ndalet rrëzimi i masiveve të dheut në aksin Qukës-Qafë Plloçë.
Në mbrëmje, një tjetër rrëshqitje dheu ndodhi në lotin e dytë të këtij aksi rrugor, shkruan A2.
Një masiv i madh dheu dhe gurësh bllokoi tërësisht lëvizjen e mjeteve. Në zonë nisi puna për pastrim, por ende është e pamundur që rruga të hapet për automjetet pasi është bllokuar në të dyja senset.
Gjithashtu, shtimi i reshjeve ka bërë që niveli në lumin Dunavec të shkojë në një pikë kritike, duke rrezikuar qindra hektarë tokë bujqësore të fushës së Maliqit. (A2 Televizion)
A2 CNN Livestream
MUND TE LEXONI GJITHASHTU
