
Një aksident i rëndë ka ndodhur në aksin Shkodër-Koplik, ku janë përplasur dy automjete tip Benz.
Si pasojë, 6 persona janë plagosur, me njërin prej tyre në gjendje të rëndë, shkruan A2.
Njoftimi i policisë:
Më datë 18.11.2026, rreth orës 09:30, në aksin rrugor “Shkodër–Koplik”, janë përplasur 2 automjete tip “Mercedes-Benz”.
Si pasojë e përplasjes janë dëmtuar 6 shtetas, të cilët po marrin ndihmë mjekësore në Spitalin Rajonal Shkodër. Shtetasi D. R., 33 vjeç, është në gjendje të rëndë, ndërsa 5 shtetasit e tjerë janë jashtë rrezikut për jetën.
Grupi hetimor po punon për zbardhjen e rrethanave të aksidentit. (A2 Televizion)