Periferia e Durrësit është tronditur nga breshëria e armëve në orët e para të mëngjesit të kësaj të marte.
Një atentat i mirëorganizuar nga persona ende të paidentifikuar kanë ekzekutuar një 29-vjeçar.
Në momentin e atentatit, të dhënat paraprake flasin se viktima ka qenë duke lëvizur i vetëm në trotuar kur ka rënë pre e plumbave. Autorët kanë qëlluar me breshëri, ndërsa plumbat kanë thyer edhe xhamat e qendrës shëndetësore që ndodhej aty pranë, shkruan A2.
Plagët e marra nga plumbat nuk i kanë dhënë mundësi mbijetese 29-vjeçarit edhe pse është transportuar në spitalin rajonal të Durrësit. Sakaq, grupi hetimor i ngritur për këtë ngjarje ka nisur mbledhjen e provave dhe pamjeve filmike nga kamerat e sigurisë që ka zona.
Nga verifikimet e skedave të policisë, Ermir Dedja rezulton i arrestuar dy herë. Në vitin 2015 i dyshuar si implikuar në trafik narkotikësh. Ndërsa në vitin 2017, i dyshuar se ka ndihmuar autorin e një plagosjeje të ndodhur në Shijak.
Ende janë të paqarta nëse këto dy momente të së kaluarës së viktimës mund të kenë qenë motive të këtij atentati të mirëorganizuar, pasi lëvizja e viktimës i vetëm në atë orar në një zonë periferike, tregon se vigjilenca e tij ka qenë e ulët. (A2 Televizion)
A2 CNN Livestream
MUND TE LEXONI GJITHASHTU
