Policia e kryeqytetit ka vënë në pranga dy vëllezër të cilët dhunuan dhe më pas i morën automjetin një 41-vjeçari. Ngjarja ka ndodhur një ditë më parë në garazhin e një pallati në Yzberisht, ku dy vëllezërit për motive të dobëta, dhunuan 41-vjeçarin dhe më pas i kanë marrë automjetin.
Policia njofton se automjeti i vjedhur u gjet afër banesës së 2 vëllezërve dhe u sekuestrua në cilësinë e provës materiale.
Njoftimi i DVP Tiranë
Finalizohet operacioni i koduar “Motivi”.
E dhunuan për motive të dobëta dhe më pas i morën automjetin, kapen dhe vihen në pranga 2 shtetas (vëllezër).
Sekuestrohet në cilësinë e provës materiale automjeti.
Shërbimet e Komisariatit të Policisë Nr. 6, ditën e djeshme, pas marrjes së njoftimit se një shtetas e kishin dhunuar dhe më pas i kishin marrë automjetin, kanë organizuar operacionin e koduar “Motivi”, për zbardhjen e rastit, identifikimin dhe kapjen e autorëve.
Si rezultat i operacionit, u lokalizuan, u kapën dhe u vunë në pranga shtetasit B. H., 44 vjeç dhe E. H., 36 vjeç, të dy banues në Tiranë (vëllezër).
Nga hetimet dyshohet se këta shtetas, në garazhin e një pallati në Yzberisht, për motive të dobëta, kanë dhunuar shtetasin I. Zh., 41 vjeç, dhe më pas i kanë marrë automjetin atij.
Automjeti i vjedhur u gjet afër banesës së 2 vëllezërve dhe u sekuestrua në cilësinë e provës materiale.
Materialet procedurale iu referuan Prokurorisë së Tiranës, për veprime të mëtejshme, për veprën penale “Vjedhja me dhunë”, kryer në bashkëpunim.
(A2 Televizion)
A2 CNN Livestream
MUND TE LEXONI GJITHASHTU
