Një 25-vjeçar, shtetasi Mërgim Bruti, është arrestuar ditën e sotme nga Policia e Durrësit, me qëllim ekstradimin në Zvicër.
Përmes një njoftimi, Policia bën të ditur se ky shtetas do të udhëtonte drejt Italisë dhe është prangosur në portin e qytetit bregdetar.
Po ashtu bëhet e ditur se ai ishte shpallur në kërkim ndërkombëtar nga Interpol Bern, pasi Gjykata e Luzern, Zvicër, e ka dënuar me 27 muaj burgim, për veprat penale "Vjedhja" dhe "Shkelja e rregullave të qarkullimit rrugor".
Ndërkohë Interpol Tirana vijon bashkëpunimin me homologët në Zvicër, për ta ekstraduar këtë shtetas, shkruan A2 CNN.
Njoftimi i Policisë:
Port, Durrës-Kapet nga Policia Kufitare dhe arrestohet me qëllim ekstradimin në Zvicër, një 25-vjeçar i shpallur në kërkim ndërkombëtar.
Shërbimet e Policisë Kufitare në Portin e Durrësit, bazuar në informacionet e siguruara nga inteligjenca policore se një shtetas në kërkim ndërkombëtar do të udhëtonte drejt Italisë, kanë intensifikuar kontrollet për kapjen e tij.
Si rezultat, u kap në tentativë për të dalë nga Shqipëria dhe u arrestua me qëllim ekstradimin, shtetasi M. B., 25 vjeç, banues në Itali.
Ky shtetas ishte shpallur në kërkim ndërkombëtar nga Interpol Bern, pasi Gjykata e Luzern, Zvicër, me vendimin e datës 08.01.2025, e ka dënuar me 27 muaj burgim, për veprat penale "Vjedhja" dhe "Shkelja e rregullave të qarkullimit rrugor".
Interpol Tirana vijon bashkëpunimin me homologët në Zvicër, për ta ekstraduar këtë shtetas. (A2 Televizion)
A2 CNN Livestream
MUND TE LEXONI GJITHASHTU
