Policia e Tiranës ka finalizuar operacionin policor të koduar “Luggage”, në kuadër të goditjes së posedimit të kundërligjshëm dhe shitjes së armëve të zjarrit.
Si rezultat i punës operative dhe informacionit të siguruar në rrugë operative, shërbimet e Komisariatit të Policisë Nr. 3 ndërhynë në mënyrë të menjëhershme dhe kapën në flagrancë, në afërsi të terminalit të autobusëve në rrugën “Kastriotët”, shtetasin:H. M., 24 vjeç, banues në Bathore.
Gjatë kontrollit, policia konstatoi se i riu transportonte në një valixhe udhëtimi një armë zjarri kallashnikov me municion luftarak, e cila dyshohet se do të shitej, shkruan A2 CNN.
Arma e zjarrit dhe municioni u sekuestruan në cilësinë e provës materiale, ndërsa 24-vjeçari u vu në pranga. (A2 Televizion)
A2 CNN Livestream
MUND TE LEXONI GJITHASHTU
