Prokuroria e Tiranës shpall në kërkim Eno Agasin, djalin e xhaxhait të Ergys Agasit.
Me kërkesë të prokurorit Bledar Valikaj, Gjykata e Tiranës ka caktuar masën e sigurisë “arrest në burg” ndaj tij.
Masa nuk është ekzekutuar, pasi ai nuk është gjetur, shkruan A2 CNN.
Eno Agasi akuzohet për veprën penale të “veprimeve që pengojnë zbardhjen e së vërtetës”.
Fletë-arresti ndaj tij është kërkuar pas gjetjes së një koleksioni verërash të shtrenjta, me vlerë miliona euro, të zbuluara gjatë kontrolleve të BKH-së në një nga pronat e Ergys Agasit, i shpallur në kërkim nga SPAK.
Hetimi i Valikajt është koordinuar me SPAK-un.
Pas inventarizimit, një sasi e verës është zhvendosur, veprim që dyshohet të jetë kryer nga Eno Agasi.
Sipas çmimit të referencës, totali i vlerës së verërave të shtrenjta pa pullë fiskale në kantinën e Agasit shkon në gati 3 milionë euro, ndërsa dëmi i shkaktuar shtetit llogaritet në 40 milionë lekë. (A2 Televizion)
A2 CNN Livestream
MUND TE LEXONI GJITHASHTU
