Nga Prokuroria e Posaçme, ku u paraqit në zbatim të masës detyrim paraqitje për çështjen “Partizani”, Sali Berisha sulmoi për të disatën herë gjyqtaren e hetimeve paraprake Irena Gjoka.
Berisha deklaroi se Irena Gjoka duhet shkarkuar për shkak se sipas tij ka fshehur dënimin dhe dëbimin nga Greqia për falsifikim dokumentesh.
Sipas Berishës, Gjoka do të shkarkohej që me hyrjen në fuqi të ligjit të dekriminalizimit, por shtoi se ajo po mbrohet nga kreu i SPAK, Altin Dumani, Prokuroria e Përgjithshme dhe KLGJ.
Sipas tij, çdo vendim i gjyqtares konsiderohet “nul” që nga dita që sipas tij ka mashtruar në formularët e dekriminalizimit.
Dosja për çështjen “Partizani” kaloi për gjykim më datë 19 maj. Berisha do të gjykohet për akuzën e korrupsionit pasiv të zyrtarëve të lartë pasi akuzohet nga SPAK se, në cilësinë e kryeministrit, ka ndërmarrë veprime konkrete në miratim ligjesh dhe aktesh nënligjore, ku përfitues ishte edhe dhëndri i tij, Jamarbër Malltezi. (A2 Televizion)
A2 CNN Livestream
MUND TE LEXONI GJITHASHTU
