A2 CNN ka siguruar mesazhin që drejtues të Partisë Socialiste u kanë dërguar sot strukturave të saj në kryeqytet, pas vendimit të Gjykatës Kushtetuese për pezullimin e dekretit të Presidentit lidhur me datën e zgjedhjeve në Bashkinë Tiranë.
Në komunikim thuhet se PS nuk i komenton vendimet e gjykatave, por theksohet se “Gjykata Kushtetuese ka marrë një vendim, siç parashikohet në nenin 45, pika 1 të ligjit ‘Për organizimin dhe funksionimin e Gjykatës Kushtetuese’, për pezullimin e dekretit të Presidentit të Republikës për caktimin e datës së zgjedhjeve vendore në Bashkinë Tiranë”.
Më tej, në mesazh theksohet se pezullimi nuk do të thotë shfuqizim i dekretit, pasi vetë ligji në nenin 45, pikat 3 dhe 4, parashikon që Gjykata Kushtetuese mund ta heqë masën e pezullimit ose të shprehet në mënyrë përfundimtare për vlefshmërinë e saj.
“E thënë qartazi, pezullimi nuk është shfuqizim i dekretit. Për pasojë, palët e interesuara, por edhe publiku, duhet të presin vendimmarrjen e mëtejshme të Gjykatës Kushtetuese. Vetëm vendimi përfundimtar mund të shfuqizojë ose jo një akt, në këtë rast dekretin e Presidentit”, thuhet në SMS. (A2 Televizion)
A2 CNN Livestream
MUND TE LEXONI GJITHASHTU
