Sekretari i Përgjithshëm i Partisë së Lirisë, Tedi Blushi zbuloi në “Off the Record” nga Andrea Danglli, në A2 CNN, ambiciet e Ilir Metës për t’u rikthyer në Presidencë.
Teksa juristi Indrit Sefa e vlerësoi punën e Metës si Kryetar Shteti për disa çështje të caktuara, Blushi tha se kreu i burgosur tashmë i Partisë së Lirisë ka marrë vendime të rëndësisë së veçantë për të mbrojtur Kushtetutën.
DISKUTIMI NË STUDIO:
Sefa: Zoti Blushi ka qenë pjesë e presidencës, ka qenë një presidencë shumë e veçantë e zotit Meta. Me thënë të drejtën, me qenë i sinqertë.
Blushi: Edhe e papërsëritshme në raport me mbrojtjen e Kushtetutës.
Moderatori Andrea Danglli: S' dimë nëse do përsëritet se dhe mund të përsëritet zoti Blushi?!
Blushi: Unë i referohem situatës aktuale!
Moderatori Andrea Danglli: Vetë zoti Meta ka thënë që do rikthehet në Presidencë, kështu që...
Blushi: Do rikthehet! Zoti Meta është ende i ri në politikë dhe besoj e ka treguar ambicien e tij, pas dy tre dekadash domethënë
Sefa: Do të them diçka që lidhet në fakt me rolin e Presidentit. Presidenti normal nuk është ai që ishte zoti Meta. Zoti Meta mori një rol disi tej kompetencave e tij, por detyra për të cilën e mori dhe nevoja për të cilën e bëri ishte sepse ishin rrethanat politike në Shqipëri që e detyronin që ai të dilte jashtë në disa raste në vlerësimin tim edhe kompetencave të tij. E bëri për një të mirë më të madhe me thënë të drejtën sepse mbrojti disa interesa.
Blushi: Për interesin kombëtar po.
Sefa: Po mbrojti disa interesa por unë e kam vlerësuar sepse në vlerësimin tim si jurist po të them në disa vendimmarrje ai ishte tej kompetencave të tij por që i shërbenin shoqërisë. I shërbenin qytetarëve në atë moment të caktuar. Pavarësisht se si është roli i presidentit i përcaktuar në kushtetutë, presidenti në Republikën e Shqipërisë është përveç se honorifik nuk ka asnjë detyrë tjetër dhe shpërndarjen e këtyre dekoratave ia kanë hequr, a më kupton. (A2 Televizion)
A2 CNN Livestream
MUND TE LEXONI GJITHASHTU
