Në podacastin e së dielës “Flasim”, kryeministri Rama riktheu atë që qeveria e ka quajtur sukses të Shqipërisë në renditjen “Pisa 2025”, duke ndarë edhe rendin e meritave për rezultatin. Të fundit rendit nxënësit.
“Po nis një vit i ri arsimor. Nga ana tjetër unë nuk mund të rri dot pa e shfrytëzuar edhe këtë rast për të nënvizuar kënaqësinë e jashtëzakonshme për rezultatet e testit ndërkombëtar Pisa 2025. Rezultate të cilat janë fryt i një pune të gjatë, i një transformimi tërësor, i një përpjekje për të rritur ë jo thjesht cilësinë e infrastrukturës, as thjesht cilësinë e teksteve, por edhe cilësinë e administrimit të shkollave, ku sot kemi një numër jo të vogël gjithmonë e më të madh drejtuesish, të cilët të gjithë kalojnë nga një shkollë e specializuar e drejtimit të shkollës, shkolla e drejtorëve. Dhe patjetër edhe si rezultat i gjithë intensitetit të ndërveprimit mes shkollës, prindërve. Pa diskutim nuk u heq asnjë presje atyre që nënvizoi meritën e nxënësve, por nga ana tjetër nxënësit ishin po aty, ndërkohë që pjesët e tjera nuk ishin aty ashtu siç duhet dhe prandaj rezultatet e PISA-s më parë nuk kanë qenë të tilla dhe prandaj Shqipëria e filloi këtë ngjitje drejt majës së klasifikimit në Ballkanin Perëndimor nga fundi. Ishim të fundit, të fundit me distancë të tjerët dhe sot jemi të parët në matematikë”. (A2 Televizion)
A2 CNN Livestream
MUND TE LEXONI GJITHASHTU
