
Bledion Nallbati, deputet i Partisë Demokratike, është paraqitur në SPAK paraditen e së hënës.
Pas më shumë se 60 minutash ligjvënësi opozitar la ambientet e Prokurorisë së Posaçme. Për mediat, Nallbati zbuloi se ka dhënë një deklaratë si person në dijeni për konfliktin fizik me shoferin e një kamioni, ku ai dhe vëllai i tij Altin Nallbati, u përfshinë gjatë fushatës elektorale për zgjedhjet e 11 majit.
Nallbati tha se ky konflikt ishte stisur nga kryeparlamentari Niko Peleshi, i cili ishte drejtues i Partisë Socialiste për qarkun e Korçës asokohe. (A2 Televizion)
