Në emisionin “Off the Record” me Andrea Danglli në A2 CNN, Enkelejd Alibeaj, ish-ministër i Drejtësisë dhe pjesë e Djathtas 1912 aktualisht u përplas me Asllan Dogjani, ish-deputet i Partisë Demokratike për gjendjen e partisë më të madhe opozitare sot me problemet që ajo ka.
Alibeaj i drejtoi kritika të forta Dogjanit “Ti ke bërë gabimin më të madh që vazhdon të rri aty, edhe nëse të bien kokës. Ti nuk je shpirt i lirë.”
Ai shtoi se kjo reflektonte problemet e brendshme të PD-së: “Sot PD është një repart ushtarak ku secili fut bërrylin për të zënë një karrige dhe nuk ndjen asgjë për demokratët e vërtetë.”
Dogjani iu përgjigj duke thënë se nëse ka një shpirt të lirë sot në politikë, ai është Asllan Dogjani.
Pjesë nga debati
Enkelejd Alibeaj: Ta pranoj sepse ty në njëfarë mënyre edhe të nxorën jashtë.
Asllan Dogjani: Patjetër mo. Jo mo jo ke të drejtë. Unë dola kundër kodit.
Enkelejd Alibeaj: Ore s’po të qaj hallin ty. Madje ti ke bërë gabimin më të madh që vazhdon e rri atje sepse ty edhe të bien kokës edhe ti vazhdon rri aty akoma. Ti nuk je shpirt i lirë.
Asllan Dogjani: Unë shpirt i lirë?
Enkelejd Alibeaj: Ky është problemi i madh që ka PD sot. Sot PD është një repart ushtarak, që pranojnë atje për t’i futur secilit bërryla për të zënë në mënyrë parazitare një karrige dhe për të mos ja ndjerë fare për demokratët e ngratë. Të fusin bërrylin edhe ty, dy herë dhe jo njëherë
Asllan Dogjani: Nëse ka një shpirt të lirë sot në politikë është Asllan Dogjani. (A2 Televizion)
A2 CNN Livestream
MUND TE LEXONI GJITHASHTU
