Një tjetër shtyrje në procesin ndaj ish-ministrit të Brendshëm, Saimir Tahiri, dhe të bashkëpandehurit, Jaeld Çela.
Gjykata e Posaçme e Apelit njoftoi moszhvillimin e seancës së planifikuar ditën e sotme dhe shtyrjen e tij për në datën 11 qershor. Arsyeja për shtyrjen e procesit sipas Gjykatës ishte mosnjoftimi i vetë Tahirit si dhe masat shtrënguese në përballimin e pandemisë.
Në dalje nga Gjykata, avokati i Tahirit, Maks Haxhia, u shpreh se “Shkaku ligjor ishte se nuk ishte konfirmuar nga Tahiri lajmërimi elektronik, dhe dje në darkë u komunikua vendimi ekzekutiv për hapjen, por gjithsesi as Gjykata as ne nuk ishim të gatshëm që të vazhdonim seancën. Ne jemi konsistentë në qëndrimin tonë, ne duam pafajësi, këto janë detaje proceduriale”.
Ish-ministri i Brendshëm Saimir Tahiri u dënua në shtatorin e vitit të shkuar me 5 vjet burg për shpërdorim detyre. Për shkak të gjykimit të shkurtuar dënimi iu ul në 3 vite e 4 muaj burg që më pas u konvertua nga gjykata në 3 vjet shërbim prove. (A2 Televizion)
A2 CNN Livestream
MUND TE LEXONI GJITHASHTU
