Interi vijon serinë e rezultateve pozitive në kampionat, teksa mbrëmjen e së hënës mposhti Comon me rezultatin 2-0.
Në duelin e vlefshëm për javën e 17 të Serisë A, zikaltërit e mbyllën pjesën e parë 0-0, ndërsa golat e fitores i shënoi në fillim dhe në fund të pjesës së dytë, shkruan A2.
Fillimisht ishte Carlos Augusto, i cili në minutën e 48 zhbllokoi duelin, ndërkohë që për të “vulosur” shifrat mendoi Thuram në minutën e 92.
Pas kësaj fitoreje, Inter e sheh veten në vendin e tretë, me 37 pikë, 3 më pak se Atalanta e vendit të parë, që ka edhe një ndeshje më shumë se zikaltërit e Milanos.
Në këtë ndeshje, mesfushori shqiptar Kristjan Asllani nuk u aktivizua asnjë minutë.
(A2 Televizion)
A2 CNN Livestream
MUND TE LEXONI GJITHASHTU
