Arsenali druhet se Bukayo Saka mund të mungojë të paktën gjashtë javë për shkak të dëmtimit në muskul, që pësoi gjatë ndeshjes së Champions League kundër Bajern Mynih.
Futbollisti 25-vjeçar do t’i nënshtrohet një rezonance magnetike të premten pasdite, për të vlerësuar më mirë dëmtimin, i cili e detyroi të largohej nga fusha gjatë barazimit 2-2 të së mërkurës në “Allianz Arena”.
Pas ekzaminimeve fillestare, mjekët e klubit vlerësojnë se Saka do të mungojë të paktën gjashtë javë, por periudha e rikuperimit mund të jetë edhe më e gjatë.
Nëse shqetësimet fillestare konfirmohen, sulmuesi do të humbasë disa ndeshje të rëndësishme me Arsenalin, si dhe takimet e ardhshme të Anglisë në Ligën e Kombeve të UEFA-s kundër Kroacisë dhe Spanjës.
“Na duhen edhe disa ekzaminime të tjera dhe mendimet e specialistëve”, deklaroi trajneri i Arsenalit, Mikel Arteta.
“Kur një lojtar duhet të largohet nga fusha, e ka të vështirë të ecë pa dhimbje dhe ka kufizime në lëvizje, kjo nuk është një shenjë e mirë. Le të jemi pak të duruar, në mënyrë që të japim një vlerësim përfundimtar”, u shpreh ai. “Do të dimë më shumë nesër”, përfundoi trajneri.
(A2 Televizion)
A2 CNN Livestream
MUND TE LEXONI GJITHASHTU
