Qindra tifozë dolën për të pritur Kombëtaren kuqezi në aeroportin ndërkombëtar “Nënë Tereza”, që u kthye në Shqipëri pas një fitoreje historike.
Shqipëria ka mposhtur Serbinë me rezultatin 1-0 në stadiumin "Duboçica" të Leskovacit.
Ishte sulmuesi Rey Manaj ai që ndezi festën kuqezi, duke shënuar një supergol në minutën e parë shtesë së pjesës së parë, shkruan A2. Festa e Manajt me simbolin e shqiponjës dykrenare në zemër të Serbisë ishte një moment që do të mbahet mend gjatë.
Ekipi i trajnerit Sylvinho, pavarësisht presionit dhe thirrjeve tensionuese nga një numër i kufizuar tifozësh vendas, arriti ta menaxhojë me heroizëm rezultatin deri në fund, duke treguar një mbrojtje kompakte të udhëhequr nga Thomas Strakosha.
Kjo fitore, e para ndaj Serbisë në historinë e përballjeve mes tyre, i jep Shqipërisë mundësinë të ëndërrojë për kualifikimin në Botëror.
Kuqezinjtë ngjiten në kuotën e 11 pikëve në vendin e dytë të Grupit K, duke lënë pas Serbinë me katër pikë më pak. (A2 Televizion)
A2 CNN Livestream
MUND TE LEXONI GJITHASHTU
