Një talent kuqezi magjeps Juventusin. Skuadra italiane ka shfaqur interes serioz për Stiven Shpendi, sulmuesin e ri shqiptar, që sezonin e kaluar shkëlqeu në Serie C, kategorinë e tretë italiane.
Në kampionatin e parë si titullar, 20-vjeçari realizoi 12 gola me Cesena-n, duke e ndihmuar klubin të luftonte deri në fund si në kampionat, ashtu edhe në fazën play off për të siguruar ngjitjen një kategori më lart.
Me lojën e tij, por mbi të gjitha me efikasitetin në fazën ofensive, djaloshi i Kombëtares të Shqipërisë arriti të kapërcente hierakitë në ekip dhe të linte në stol dy blerjet e mëdha të verës së kaluar si Ferrante dhe Udoh.
Përveç Juventusit, sytë nga Stiven Shpendi i ka hedhur edhe Sassuolo, një prej skuadrave të Serie A që njihet për punën e mirë me lojtarët e talentuar. Për të fituar konkurrencën, bardhezinjtë janë të gatshëm të paguajnë kartonin e futbollistit, që në merkato vlerësohet 2 milionë euro.
Edhe pse kosto financiare cilësohet e konsiderueshme, plani i Juventusit është që ta blejë 20-vjeçarin shqiptar, për ta aktivizuar fillimisht në ekipin e dytë. Aty Shpendi do të ketë mundësi të rritet, me shpresën se do të jetë një prej yjeve të së ardhmes së gjigantëve italianë. (A2 Televizion)
A2 CNN Livestream
MUND TE LEXONI GJITHASHTU
