Një 45-vjeçar ka rënë në prangat e Policisë së Durrësit për trafikim të veprave të artit dhe trafikim të lëndëve narkotike. Sipas Policisë, bëhet fjalë për 45-vjeçarin, Çim Proshka, i dënuar më parë për kultivim të bimëve narkotike dhe përvetësim të mallrave ose parave që rrjedhin nga veprimtaria kriminale.
Gjatë arrestimit të tij, Policia ka sekuestruar 12 kilogramë e 150 gramë lëndë narkotike cannabis dhe një ikonë e vjetër me vlera historike, që i përket kohës bizantine. Dyshohet se Proshka e ka vjedhur atë në një kishë dhe do ta shiste kundrejt vlerave monetare.
Nën drejtimin e Prokurorisë së Rrethit Gjyqësor Durrës, vijon puna për identifikimin dhe kapjen e personave të tjerë të implikuar në këtë veprimtari kriminale. (A2 Televizion)
A2 CNN Livestream
MUND TE LEXONI GJITHASHTU
