Drejtoria Vendore e Policisë në Korçë, në bashkëpunim me Policinë Kufitare goditi një tjetër tentativë për dhënie ndihme për shtetasit e huaj për kalim të paligjshëm të kufirit.
Në përfundim të operacionit “Kryqëzimi” u vunë në pranga 4 persona në fshatin Libonik, pranë Maliqit, të cilët transportonin me mjetet e tyre 8 të huaj. Gjithashtu, policia shpalli në kërkim dhe një tjetër person si i përfshirë në këtë aktivitet kriminal.
K. S., 24 vjeçe, F. K., 24 vjeç, R. D., 19 vjeç dhe R. H., 20 vjeç , janë kapur në flagrancë pranë kryqëzimit të fshatit Libonik duke transportuar në drejtim të Tiranës me mjetet tip “SAAB”, “Fiat” dhe “Mercedes-Benz”, tetë shtetas të huaj, të cilëve ju kishin premtuar kalimin drejt vendeve të BE-së, kundrejt pagesës. (A2 Televizion)
A2 CNN Livestream
MUND TE LEXONI GJITHASHTU
