Përmes një vendimi, Gjykata e Lartë nuk pranoi kundështimin e bërë nga prokuroria, duke lënë të pandryshuar vendimin e dhënë nga Shkalla e Parë dhe Apeli i Tiranës për mjekët Kevin Clarkson dhe Gerald Fady, të dy të gjykuar për "mjekim të pakujdesshëm" me pasojë vdekjen e 11-vjeçarit, Denis Almadhi.
Kolegji Penal nuk pranoi pretendimet e prokurorisë per analizim të gabuar të provave në dy shkallet më të ulëta. I mituri ndërroi jetë në vitin 2012 gjatë një operacioni estetik në Spitalin Francez në QSUT.
Në gjykatën e kryeqytetit, vendim i lënë në fuqi dhe në Apeli në vitin 2016, Clarkson u dënua me 600 mijë lekë gjobë dhe kolegu i tij mori pafajësi, ndërsa më herët prokuroria kishte kërkuar nga 3 vite burg për ta.
Në Gjykatën e Lartë prokuroria kërkoi ndryshimin e vendimeve me pretendimin se ishin rrjedhojë e zbatimit të gabuar të ligjit procedurial dhe se kishin ardhur si rezultat i një analize jo të hollësishme të provave.
Referuar vendimeve gjyqësore, 11-vjeçari ishte i shëndetshëm kur u fut në operacionin estetik, por pësoi reaksion nga narkoza duke kaluar temperaturë shumë të lartë. Sipas gjykatave, pakujdesia e mjekut irlandez ishte mungesa e medikamentit Daltrolen në sallën e operacionit, c’ka mund t’i kishte shpëtuar jetën të miturit. (A2 Televizion)
A2 CNN Livestream
MUND TE LEXONI GJITHASHTU
