Ambasadorja amerikane, Yuri Kim, vijoi turin e vizitave të saj në Durrës në ditën e zgjedhjeve. “Jemi shumë të kënaqur që jemi në Durrës. Jemi shumë të frymëzuar, teksa kemi parë pjesëmarrje të lartë në votime. Kjo tregon që qytetarëve shqiptarë u intereson vendi i tyre. E di që janë raportuar disa incidente dhe është përgjegjësia e autoriteteve për të vijuar hetimet. Ne u kemi bërë thirrje prokurorëve që t’i hetojnë këto çështje deri në fund. Qytetarët po përmbushin detyrën e tyre, autoritetet po bëjnë detyrën e tyre. Ka ardhur koha që kandidatët të presin për rezultatet dhe gjykimin e popullit”, tha ambasadorja Kim.
Ndërsa ambasadori i Bashkimit Europian, Luigi Soreca, tha: “Shqipëria po shpreh vullnetin e saj duke votuar. Ka edhe 3 orë deri në fund. I ftojmë të gjithë qytetarët të dalin të votojnë. E di që është ditë e bukur, por ju lutem ejani të përmbushni detyrën tuaj. Dhe pas votës ju lutem prisni me durim rezultatin. Ndërsa udhëheqësit politikë, të respektojnë rezultatin”. (A2 Televizion)
A2 CNN Livestream
MUND TE LEXONI GJITHASHTU
