Nga sot, stadiumi i Napolit e ka emrin “Diego Armando Maradona”. Këshilli Bashkiak i qytetit italian ka miratuar propozimin e kryebashkiakut Luigi de Magistris, duke bërë që stadiumi të mos quhet më San Paolo.
Në aktin e firmosur me unanimitet nga Këshilli Bashkiak, lexohet se Maradona është “futbollisti më i madh i historisë, i cili, me talentin dhe magjinë e tij, ka nderuar për 7 vite fanelën e Napolit, duke i dhuruar kësaj skuadre dy tituj kampion në Itali dhe disa kupa prestigjioze”.
Ndeshja e parë e stadiumit të Napolit me emrin e ri do të jetë në 10 dhjetor, kur Napoli do të presë Real Sociedad, në një përballje të vlefshme për Europa League. (A2 Televizion)
A2 CNN Livestream
MUND TE LEXONI GJITHASHTU
