Shtetet e Bashkuara mbështesin vazhdimin e dialogut mes Kosovës dhe Serbisë dhe arritjen e një marrëveshje gjithëpërfshirëse, që do të përqendrohej te njohja reciproke.
Qëndrimin e tij, presidenti amerikan Joe Biden, e bëri të ditur përmes një letre dërguar homologes në Kosovë, Vjosa Osmani.
“SHBA-ja do të vazhdojë të mbështesë përpjekjet për sigurimin e paqes së qëndrueshme dhe dialogut produktiv ndërmjet Kosovës dhe Serbisë dhe përfundimisht marrëveshjes gjithëpërfshirëse për normalizim, e cila besojmë se do të duhej të përqendrohet në njohjen reciproke”, shkruan Biden.
Presidenti Biden thekson se do të punojë me Osmanin për forcimin e sundimit të ligjit, luftën kundër korrupsionit, mbrojtjen e të drejtave të pakicave dhe bashkësive fetare, rimëkëmbjen nga pasojat e pandemisë Covid-19, zhvillimin ekonomik si dhe sigurimin e të ardhmes së qëndrueshme energjetike.
Në njoftimin e zyrës së presidentes, thuhet gjtihashtu se kreu i Shtëpisë së Bardhë i është përgjigjur edhe kërkesës së Osmanit për të ndihmuar Kosovën me vaksina.
“Me shtimin e sasisë së vaksinave Shtetet e Bashkuara do të punojnë me partnerët për shpërndarjen e tyre”, citon presidenca, fjalët e Biden. (A2 Televizion)
A2 CNN Livestream
MUND TE LEXONI GJITHASHTU
