Forcat ruse rinisin ofensivën në Mariupol, në shënjestër dhe Odessa

Forcat ruse kanë rifilluar sulmet ajrore ne fabrikën e çelikut Azovstal në Mariupol, ku forcat e mbetura ukrainase janë të vendosura në qytet, tha sot këshilltari presidencial ukrainas Alexei Arestovich.

"Armiku po përpiqet të shuajë rezistencën e fundit nga mbrojtësit e Mariupolit  në zonën Azovstal," tha Arestovic për televizionin kombëtar.

Kjo lëvizje vjen pas një ndryshimi të taktikave të enjten, kur Vladimir Putin u bëri thirrje trupave të bllokojnë zonën "në mënyrë që të mos kalojë asnjë mizë".

Shpërthime ndërkohë pati edhe në Odesa ku një raketë goditi sot infrastrukturën në qytetin port ukrainas. Lajmin e konfirmuan autoritetet lokale në një deklaratë në internet pa dhënë informacion të mëtejshëm. “Odesa u godit nga një raketë, infrastruktura është prekur”, thuhet në deklaratë. (A2 Televizion)