Ndërsa në të gjithë qarqet e vendit vijon votimi për shkarkimin e kreut aktual të Partisë Demokratike, Lulzim Basha, në degën e Partisë Demokratike të Sarandës demokratët po votojnë në rrugë për shkak se kreu i degës, Vesel Koçiu, ka mbyllur selinë e partisë.
Gazetarja e A2 CNN, Jerola Ziaj, ka sjellë pamje nga votimi që kryhet në rrugë, pranë selisë së PD-së.
Në mjedisin jashtë selisë së degës së PD-së në Sarandë, ka nisur në orën 08:00 të mëngjesit të sotëm, votimi i anëtarëve demokratë për referendumin në themel të të cilit është shkarkimi i Lulzim Bashës. Në këtë qendër, do të votojnë demokratë të Sarandës, Konispolit dhe Finiqit. Ndërkohë që demokratët e Delvinës, do të votojnë në kinoteatrin e qytetit. (A2 Televizion)
A2 CNN Livestream
MUND TE LEXONI GJITHASHTU
