Gjykata kundër krimit dhe korrupsionit vendosi të hetojë në gjendje të lirë botuesin Henri Çili, duke lënë në fuqi masën e dhënë më parë nga gjykata e Përmetit. Çili u arrestua në muajin shkurt pas operacionit “Mezhgorani”, ku u vunë në pranga edhe 30 persona të tjerë.
Operacioni nisi fillimisht për falsifikim kartëmonedhash dhe trafik të lëndëve narkotike, por më pas zbuloi tentativën për ndërhyrje në sistemin e drejtësisë. Sipas prokurorisë Çili dyshohet se, mori përsipër të ndihmonte për lirimin nga burgu të vëllezërve Arbjon dhe Alban Aliko, të dënuar përkatësisht me burg përjetë dhe 18 vjet për vrasjen e efektivit të RENEA-s, Ibrahim Basha, në vitin 2015 në Lazarat.
Në hetime ka rezultuar se, botuesi është përgjuar duke ofruar ndihmë në këmbim të parave dhe pasurive për të ndikuar tek një anëtar i sistemit të drejtësisë, me qëllim lirimin nga burgu të vëllezërve Aliko. Ndaj Çilit rëndojnë 6 akuza, si ushtrimi i ndikimit të paligjshëm ndaj personave që ushtrojnë funksione publike, falsifikimi i dokumenteve, mashtrim, fshehje e të ardhurave dhe pastrim i parave. (A2 Televizion)
A2 CNN Livestream
MUND TE LEXONI GJITHASHTU
