David Danaj, i riu që disa javë më parë hyri me forcë në një mbledhje të Këshillit Bashkiak të Vlorës, raportohet të ketë marrë kompensimin për shpronësimin e banesës pranë Portit të qytetit bregdetar.
Kryebashkiaku i komanduar i Vlorës, Elis Halili, postoi në llogarinë e tij në Facebook një foto me Danajn, teksa shkruan: “Jam shumë i kënaqur që problemi i Davidit u zgjidh! Besoj fort në dëshirat dhe nismat e të rinjve, me besimin që aftësitë, vullneti dhe besimi, do t'i bëjnë të ecin përpara!”.
Danaj dhe një miku i tij u futën më 29 shtator në mbledhjen e Këshillit Bashkiak dhe u konfliktuan me anëtrët. Danaj shpjegoi më pas se i ishte shembur banesa në zonën pranë portit detar për shkak të një projekti rehabilitues aty dhe ka mbetur pa shtëpi e as nuk ka marrë kompensimin financiar. (A2 Televizion)
A2 CNN Livestream
MUND TE LEXONI GJITHASHTU
