Një zjarr i fuqishëm, i favorizuar nga erërat e forta, ka përfshirë zonën e quajtur “Pushimi i Shoferit” në Lushnje. Si pasojë, janë djegur disa sipërfaqe toke djerrë dhe me shkurre, si dhe një parcelë me rreth 4 dynym ullinj.
Në vendngjarje ndodhen dy mjete zjarrfikëse nga Njësia e Lushnjes, ndërsa edhe banorët e zonës janë angazhuar për të ndihmuar në fikjen e flakëve, me qëllim që zjarri të mos përhapet drejt banesave që ndodhen shumë pranë vatrës.
Në terren janë angazhuar banorë, forcat e Policisë së Shtetit dhe shërbimi zjarrfikës, në përpjekje për të shmangur çdo rrezik për jetën dhe pronën.
(A2 Televizion)
A2 CNN Livestream
MUND TE LEXONI GJITHASHTU
