“Dy mbledhjet e fundit dhe këto takimet e fundjavës nëpër restorante na tregojnë që Partia Socialiste nuk ka kuptuar asgjë nga realiteti”.
Kështu u shpreh Politologu Afrim Krasniqi në studion e “Off the Record” nga Andrea Danglli, në A2CNN.
Krasniqi shtoi: “Jo vetëm kaq, por e kanë deformuar realitetin në mënyrë të pakthyeshme. Kur mendon se kjo është krizë lumturie, që ata protestojnë e kritikojnë nga lumturia e tepërt, kjo është t’i fyesh, t’i banalizosh dhe t’i thuash që kjo politikë nuk arrin dot të ofrojë një të ardhme tjetër për Shqipërinë”.
“Politikanët i kanë idetë e tyre deri në 7 vjet, deri atëherë prodhojnë energji e shpresë. Problemi i madh i yni është se e kemi kthyer politikën si çështje punësimi. Një palë ka krijuar një sistem, kontrollon vota përmes tij, gjeneron status social dhe është e kënaqur. Por, kjo mban peng demokracinë dhe zhvillimin. Ka një hendek të madh mes Shqipërisë që ne njohim dhe Shqipërisë që njohin politikanët”, theksoi politologu Afrim Krasniqi. (A2 Televizion)
A2 CNN Livestream
MUND TE LEXONI GJITHASHTU
