Qeveria shqiptare prezantoi programin e ri Kombëtar të Strehimit për vitin 2027. Taksa prej 3 për qind që merret nga çdo pallat në ndërtim nga bashkitë do të kalojë në fondin e veçantë, i cili do të shërbejë për të dhënë kredi me interes zero, deri te subvencionimi i gjysmës së qirasë.
Rama: Nuk është një program për zgjedhje.
Edhe pse Rama nuk pranon se do të bëjë fushatë me çelësat, ky plan bëhet publik 8 muaj para zgjedhjeve lokale, ndërsa si prioritet janë vendosur çiftet e reja dhe emigrantët.
Rama: 2 mijë me kredi zero për shtëpi deri në 60 mijë euro. 2 mijë të tjerë me kredi me 3% për shtëpi mbi 60 mijë euro.
Ata të cilët nuk do të arrijnë të jenë përfitues të kësaj kategorie mund të aplikojnë për të përfituar nga subvencionimi i qirasë.
Rama: 50% subvencionim qiraje për ata që kanë një qira deri në 400 euro.
Për kryeqytetasit, Rama premtoi përmbylljen e procesit të rindërtimit, 7 vite nga tërmeti i nëntorit të vitit 2019.
Rama: Fajin për këtë vonesë Kryeministri ia la drejtësisë, e cila arrestoi kryetarin e Bashkisë së Tiranës në krye të detyrës, duke e cilësuar të gjithë procesin si një eksperiment.
Kjo deklaratë e Edi Ramës vjen 5 ditë para datës së vlerësimit të masës së sigurisë së Erion Veliajt nga Gjykata e Lartë. (A2 Televizion)
A2 CNN Livestream
MUND TE LEXONI GJITHASHTU
