Policia e Korçës ka njoftuar arrestimin e 30-vjeçarit Sindi Syzo, i shpallur në kërkim në janar 2025 për "vrasje me dashje", mbetur në tentativë.
30-vjeçari rezulton të jetë vetëdorëzuar në Policinë e Korçës, në orën 14:00 të ditës së djeshme.
A2CNN ka siguruar një video të momentit kur i riu paraqitet në Komisariatin e Policisë Korçë, i shoqëruar nga avokati i tij, Lauren Thomollari.
Ngjarja për të cilën akuzohet i riu ka ndodhur në 11 janar 2025, në lagjen nr.1 të Pogradecit. Pas një konflikti verbal me 23-vjeçarin N. Agolli në një berberhane, 30-vjeçari e ka qëlluar atë me një fletë sharre, duke e dëmtuar në kokë dhe krah.
Në deklarimin e parë të tij, i dyshuari ka pretenduar se ishte kërcënuar dhe përndjekur nga 23-vjeçari dhe se ditën e ngjarjes ishte kërcënuar verbalisht prej tij. (A2 Televizion)
A2 CNN Livestream
MUND TE LEXONI GJITHASHTU
